Dende a Dirección Xeral de Calidade Ambiental e Cambio Climático, enmarcada dentro da Consellería de Medio Ambiente, Territorio e Vivenda da Xunta de Galicia anuncian a convocatoria do CLIMATHON GALICIA 2018, que terá lugar o vindeiro día 26 de outubro no centro social Abanca en Santiago de Compostela.
CLIMATHON é unha maratón mundial de xeito simultáneo sobre cambio climático posta en marcha por Climate-Kic.
Queremos concienciar ás xeracións presentes e futuras sobre este problema e tentar de acadar solucións concretas a desafíos concretos. O reto CLIMATHON GALICIA 2018 é "MENOS RESIDUOS = MENOS EMISIÓNS" con tres niveis de actuación: Innovación, Xestión de Residuos e Comunicación & Sensibilización Social e a meta común é recoller o maior número de propostas viables de cara á loita contra o cambio climático a través dun formato de tormenta de ideas. Contaremos con relatores de gran nivel dentro destes tres ámbitos, así coma cun equipo de dinamizadores profesionais que guiarán e axudarán aos participantes durante a tormenta de ideas para recoller propostas innovadoras, entre as que se escollerá unha gañadora.
Queremos aproveitar esta oportunidade única brindada pola celebración do CLIMATHON GALICIA para, paralelamente, convocar o Diálogo de Talanoa entre todos os asistentes. O Diálogo de Talanoa é unha iniciativa lanzada durante a Conferencia das Nacións Unidas sobre Cambio Climático en Bonn, a finais do 2017, a COP 23, sendo o seu obxectivo xerar un diálogo inclusivo, participativo e transparente e fomentar o intercambio de ideas para cumprir os obxectivos sobre Cambio Climático.
Se queres aportar ideas, partillar recomendacións e información que poida axudar a Galicia a levar a acción climática ao seguinte nivel, para cumprir así os obxectivos do Acordo de París e a Axenda 2030, apoiando os Obxectivos de Desenvolvemento Sostible (ODS), entón CLIMATHON é o teu lugar!
Dende a Xunta de Galicia queremos convidarche a que participes o próximo 26 de outubro neste maratón sostible, no que os asistentes serán os verdadeiros protagonistas na loita contra o cambio climático.
REXISTRO: Na web oficial de CLIMATHON: https://climathon.climate-kic.org/gl/climathongalicia
Durante os vindeiros días desvelaranse os relatores e máis detalles do programa a través das redes: @GaliciaSostible
Fuente: Dirección Xeral de Calidade Ambiental e Cambio Climático (Xunta de Galicia)
Troposfera.org declina cualquier responsabilidad sobre el contenido de la información extraída de otras fuentes, las cuales son siempre citadas. Así mismo, su publicación no pretende reflejar la postura u opinión de Troposfera.org sobre el tema tratado.
TROPOSFERA ofrece desde 2010 una consultoría integral de medio ambiente.
